Gagnvart þeim fáu nemendum...

Þá eru vinnubrögðin við þessa ákvörðun mjög léleg. Ég skil það vel að það sé erfitt að réttlæta að kenna þessum 4 sem voru búnir að staðfesta sig inn, en ég skal segja ykkur að ég er einn af þessum fjórum og ég fékk tilkynninguna um þetta alltof seint eða um 2 vikum áður en ég átti að byrja í námi. Ég er með fjölskyldu og heimili, ég var búinn að segja upp vinnunni minni og það var búið að ráða í staðinn fyrir mig á hana og ekki nóg með það þá var ég búinn að ganga frá námslánum, kaupa mér tölvu og redda mér hlutavinnu með skóla.  Þannig að þennan dag sem ég fékk bréfið frá þeim þá stóð ég uppi í mjög miklum vandræðum.

Ég hefði haldið að það hefði verið hægt að viðvara mann eða ákveða þetta miklu fyrr þar sem umsóknarfresturinn er til 5 .júní og greiðslufresturinn er 11 júlí samt er þetta dregið til 10-11 ágúst. Þetta er ekkert smá sem þetta hefur áhrif á líf mitt og ég held að þessir kallar eða konur geri sér enga grein fyrir hvernig skaða svona vinnubrögð eru að valda, og þetta er þessum skóla til algjörar skammar að koma svona fram við fólk. Ég get ýmindað mér að erlendu nemendurnir sem ætluðu að koma hafi lent í einhverjum vandræðum útaf þessari ákvörðun.

Ég vildi bara deila þessari ömurlegu sögu með ykkur og sýna ykkur aðra hlið á þessu heldur en skólinn er að koma á framfæri hérna. Ég er búinn að senda rektornum bréf og það voru frekar fræm svör sem ég fékk.

Ætli þeim sé sama hvort ég fái vinnu eða ekki eða hvaða áhrif þetta hefur á líf okkar. Nei ég held þeim sé alveg sama, ákvörðunin var bara tekin og allir sem gátu svarað fyrir hana fóru í sumarfrí þannig maður fékk engin svör fyrr en bara viku áður en skólinn átti að byrja.

Eru þetta vinnubrögð sem eru til fyrirmyndar fyrir háskóla sem maður er stöðugt að lesa um að allt gangi svo vel og fleira, eru þetta vinnubrögð sem sæma ábyrgum stjórnendum skólans? Þeir verða að svara því en ég mér finnst þetta vera þeim til háborinnar skammar.

Ég gæti skrifað endalaust reiðibréf til þeirra en ég sé ekki tilganginn, svörin sem maður fær eru ekki þess virði.

Takk fyrir mig

Öllum kennurum í tölvunarfræði hjá HA sagt upp

Athugasemdir

[Guðríður Hrefna Haraldsdóttir, 22.8.2008 kl. 14:35]

Vá, þetta er rosalegt. Mjög léleg vinnubrögð og óvirðing fyrir öðrum. Vona að allt gangi vel hjá þér.

[Guðný Lára, 22.8.2008 kl. 15:05]

Það er ömurlegt að heyra svona! Ég vona að það fari allt vel hjá þér! Gangi þér vel :)

[Lára Hanna Einarsdóttir, 24.8.2008 kl. 00:25]

Þetta er ljótt að heyra og ég tek undir með þér að vinnubrögðin eru til skammar. Gangi þér allt í haginn og vonandi rætist úr hjá þér og fjölskyldu þinni.